Real Madridi e ka mbyllur me barazim sezonin 2021/22 në La Liga. Por, skuadra nga kryeqyteti spanjoll titullin e kampionit e kishte siguruar më herët.

Në ndeshjen e javës së 38-të dhe të fundit, skuadra e drejtuar nga Carlo Ancelotti luajti baras me Real Betisin.

Ndeshja e zhvilluar sonte në “Santiago Bernabeu” përfundoi pa gola, shkruan Gazeta Express.

“Los Blancos” sezonin e mbyllin me 86 pikë në krye të tabelë dhe me titullin e kampionit.

Kurse, Real Betisi renditet i pesti në tabelë me 65 pikë, teksa arriti edhe ta sigurojë pjesëmarrjen për në Ligën e Evropës për sezonin e ardhshëm. /Gazeta Express/