Evertoni edhe matematikisht e ka siguruar mbijetesën në Premierligë.

Ekipi i udhëhequr nga Lampard shënoi fitore me përmbysje nga 0:2 në 3:2, duke siguruar mbijetesën në elitën e futbollit anglez.

Mateta në minutën e 21-të dhe Ajeë në minutën e 36-të shënuan për Crystal Palace për epërsinë 0:2, shkruan Gazeta Express.

Por, pjesa e dytë ishte spektakolare. Keane ngushtoi epërsinën ë minutën e 54-të, para se Richarlison të barazonte në minutën e 75-të.

Në minutën e 85-të, Calvert-Lewin shënoi golin e fitores dhe çmendi tifozët vendas.

Ata madje e “pushtuan” fushën për ta festuar mbijetesën, pas një sezoni të dobët të tyre.

Por, duket se trajnerin e Crystal Palace, Patrick Vieiran e bezdisi tej mase një tifoz i Evertonit.

Ish-futbollisti i Arsenalit madje e shqelmoi tifozin, duke e rrëzuar në tokë. /Gazeta Express/