Arsenali ka pësuar edhe humbjen e dytë radhazi, duke humbur kështu edhe pozitën e katërt në tabelë.
Në ndeshjen e javës së 37-të dhe të parafundit në Premierligë, skuadra e drejtuar nga Mikel Arteta pësoi humbi në udhëtim te Newcastle United.
Ndeshja e zhvilluar sonte në “St, James’ Park” ka përfunduar me rezultatin 2:0, shkruan Gazeta Express.
Ben White (55’ – autogol) dhe Bruno Guimaraes (85’) shënuan golat e fitores për vendasit.
Newcastle United pas kësaj fitore ka 46 pikë dhe ndodhet në pozitën e 12-të.
Kurse, Arsenali me këtë humbje ka minimizuar gjasat për kualifikim në Ligën e Kampionëve.
“Topçinjtë” janë në pozitën e pestë me 66 pikë, dy më pak se Tottenham Hotspur, që ndodhet në pozitën e katërt. /Gazeta Express/
