evista e njohur amerikane, “Forbes” e ka publikuar listën e sportistëve më të paguar për vitin 2022.
Lionel Messit nuk po i ecin punët mbarë në fushën e blertë me Paris Saint-Germainin, por ylli argjentinas po qëndron shumë mirë jashtë saj.
Në fakt, revista amerikane e vendos shtatë herë fituesin e Topit të Artë në krye të sportistëve që fitojnë më së shumti brenda një viti, shkruan “Gazeta Express”.
Në 12 minutat e fundit, përfaqësuesi argjentinas raportohet se i ka fituar 130 milionë dollarë, respektivisht 124,6 milionë euro, nga fitimet bruto para taksave.
Messi raportohet se i fiton 75 milionë dollarë në vit nga futbolli,e gjithashtu edhe 55 milionë të tjera nga marrëveshjet me sponsorët.
Kjo është hera e dytë që ish-futbollisti i Barcelonës qëndron në krye të listës së “Forbes” pas asaj të vitit 2019.
Messi e ka lënë prapa yllin e basketbollit amerikan, LeBron James.
Lojtari i NBA-së është i dyti në listën e më të paguarve me 121.2 milionë dollarë apo 116.2 milionë euro në vit, shkruan “Gazeta Express”.
Kurse, pozita e tretë i takon Cristiano Ronaldos.
Ylli portugez gjatë 12 muajve të fundit është pasuruar me 115 milionë dollarë apo 110 milionë euro në vit. /Gazeta Express/
Lista e plotë:
Lionel Messi: 130 milionë dollarë
LeBron James: 121.2 milionë dollarë
Cristiano Ronaldo: 115 milionë dollarë
Neymar: 95 milionë dollarë
Stephen Curry: 92.8 milionë dollarë
Kevin Durant: 92.1 milionë dollarë
Roger Federer: 90.7 milionë dollarë
Canelo Alvarez: 90 milionë dollarë
Tom Brady: 83.9 milionë dollarë
Giannis Antetokounmpo: 80.9 milionë dollarë
