Goli i tij kundër Levantes ishte i 323-ti me ngjyrat e Real Madridit, që e pa atë të barazojë rekordin e Raul Gonzalez si golashënuesi i dytë më i mirë në historinë e klubit.
Ai tani është vetëm pas Cristiano Ronaldos , i cili shënoi 451 gola gjatë kohës së tij në Real Madrid, shkruan Gazeta Express.
Benzema është golashënuesi i tretë më i mirë i Real Madridit në historinë e La Liga Santander, me 219 golat e tij pas 228 të Raulit dhe 312 të Ronaldos.
34-vjeçari me kalimin e moshës po përmirësohet. Ai tani ka shënuar 44 gola në të gjitha garat këtë sezon, duke tejkaluar totalin e tij më të mirë të mëparshëm prej 32 golash në sezonet 2011/12 dhe 2020/21.
Ai ka shënuar 425 gola në karrierë (323 për Real Madridin , 66 për Lyonin dhe 36 për Francën), gjë që e bën atë golashënuesin më të mirë francez në histori, duke tejkaluar totalin e Thierry Henry prej 411. /Gazeta Express/
