Atletico Madridi ka shënuar fitore në derbin ndaj rivalit lokal, Real Madridit, në kuadër të javës së 35-të në La Liga.
Ndeshja e zhvilluar sonte në “Wanda Metropolitano” ka përfunduar me rezultatin 1:0, shkruan Gazeta Express.
Golin e vetëm dhe të tri pikëve për vendasit e shënoi Yannick Carrasco në minutën e 40-të.
Vlen të theksohet se Carlo Ancelotti në këtë ndeshje hyri me shumë ndryshime në formacionin bazë, duke pushuar shumicën e futbollistëve kryesorë.
Real Madridi, që ka siguruar titullin e kampionit më herët, mbetet me 81 pikë në krye të tabelës.
Kurse, Atletico Madridi renditet i katërti me 64 pikë. /Gazeta Express/
