Manchester City ka shënuar fitoren e katërt radhazi në Premier Ligë, duke vazhduar kështu rrugën drejt titullit të kampionit.
Në ndeshjen e vlefshme për javën e 36-të, skuadra e drejtuar nga Pep Guardiola fitoi si vendase ndaj Newcastle Unitedit.
Ndeshja e zhvilluar në “Etihad Stadium” u mbyll me rezultatin 5:0, shkruan Gazeta Express.
Raheem Sterling (19’, 90+3’), Aymeric Laporte (38’), Rodri (61’) dhe Phil Foden (90+1’) shënuan golat e fitores për “Qytetarët”.
Manchester City pas kësaj fitore ka 86 pikë në krye të tabelë, me tri pikë më shumë se Liverpooli i pozitës së dytë.
Newcastle United ndodhet në pozitën e 13-të me 43 pikë. /Gazeta Express/
