Nemanja Matic karrierën do ta vazhdojë në Serie A të Italisë.

Sipas “Daily Star”, mesfushori serb ka vendosur që t’i bashkohet Juventusit, transmeton Gazeta Express.

Matic te “Zonja e Vjetër” do të kalojë si lojtar i lirë, pasi kontrata e tij me Manchester Unitedin skadon më 30 qershor të këtij viti.

Ai më herët kishte njoftuar se do të largohet nga “Old Trafford” pas përfundimit të sezonit.

Për 33-vjeçarin kjo do të jetë një aventurë e re, pasi ai më herët nuk ka luajtur në Itali.

Para transferimit te “Djajtë e Kuq”, Nemanja Matic u aktivizua te Chelsea, Benfica e Vitesse. /Gazeta Express/