Nuk është lehtë të jesh tifoz i Arsenalit dhe për këtë është dëshmi ajo që i ka ndodhur Scott Woodsit.

Topçinjtë e mposhtën liderin Leicester City në ndeshjen e fundjavës që lamë pas. Në atë sfidë të parët shënuan lojtarët e Leicesterit, mirëpo Arsenali e përmbysi rezultatin.

Goli i fitores erdhi në fund të ndeshjes nga Danny Welbeck dhe ky ishte moment deliri për të gjithë tifozët e klubit.

Mirëpo, njëri prej tyre e ka festuar aq fuqishëm golin, saqë ka pësuar hernie dhe është dashur të shtrohet në spital për t’u operuar.

Scott Woods e ka publikuar një fotografi nga spitali, ku shfaqet duke qeshur dhe shihet se dhimbja nuk ia ka ndërprerë gëzimin për triumfin e skuadrës së zemrës. /Telegrafi/