Katër “finalet” e fundit të Milanit e Interit në garë për titull, kjo skuadër e ka orarin më të vështirë

PUBLIKUAR

Një garë e fortë është duke u zhvilluar për titullin e kampionit në Serie A.

Dy skuadrat nga i njëjti qytet, Milani dhe Interi, janë duke luftuar për titullin e më të mirit në këtë sezon, shkruan Gazeta Express.

Pas 34 ndeshjeve të zhvilluara në Serie A, skuadra e drejtuar nga Stefano Pioli është e para me 74 pikë, me dy pikë më shumë se skuadra e Simone Inzaghit.

Deri në fund të sezonit kanë mbetur për t’u zhvilluar edhe katër ndeshje.

Milani më 1 maj do të luajë në shtëpi me Fiorentinan, derisa më 8 maj i shkon Hellas Veronas.

Më 15 maj e pret përballja e vështirë me Atalantan, teksa sezonin e mbyll me ndeshjen ndaj Sassuolos në udhëtim.

Kurse, Interi më 1 maj do të luajë në udhëtim te Udinese. Më 6 maj e presin Empolin, teksa më 15 maj luan në udhëtim te Cagliari.

“Nerazzurrët” ndeshjen e fundit për këtë sezon do ta luajnë në shtëpi më 22 maj, aty ku e presin Sampdorian. /Gazeta Express/

SHIKO MË SHUMË

Shqipëria zbret sot në fushë, sfidë e rëndësishme ndaj Finlandës

Kombëtarja e Shqipërisë rikthehet sonte në aksion, në një tjetër sfidë të Ligës së...

Erdhi me shumë bujë, Maran e lë në tribuna edhe për ndeshjen ndaj San Marinos!

Shqipëria përballet sot me San Marinon, por trajneri Rolando Maran ka vendosur të lërë...

Vushtrria pret kampionin e Kosovës, këto janë formacionet

Vazhdon edhe sot java e 3-të në Superligën e Kosovës. Kampionët e Ligës së Parë,...