Para një jave Beatrix Ramosaj dhe Dj Geek sollën bashkëpunimin e tyre të parë.
Këtë bashkëpunim dyshja e titulloi “Ma shumë se ti”, shkruan lajmi.net
Ky bashkëpunim u prit mirë nga fansat e të dy artistëve, ku shumë prej tyre aluduan që është një dedikim për Donaldin.
Bashkëpunimi arriti një tjetër sukses dhe brenda një jave mblodhi mbi 2 milionë klikime në kanalin zyrtar të “YouTubes”.
E për këtë sukses ka reaguar Beatrix përmes një “InstaStory”.
Ndryshe Beatrix para pak muajsh ka lansuar edhe këngën tjetër e cila titullohet “Faj”. Ajo ka qenë e njohur për publikun si modele tash e disa kohë, por kulminacionin e saj e arriti sa ishte banore në shtëpinë e “Big Brother VIP”.
Ajo pati një lidhje brenda shtëpisë me Donald Veshaj, një moderator i njohur nga Shqipëria, por që pas përfundimit të spektaklit, të dy kanë treguar se po jetojnë larg njëri-tjetrit dhe kanë ndërprerë marrëdhënien.
Në anën tjetër, edhe Donaldi ka lansuar disa projekte të tij, të cilat kanë dalë të jenë dedikime për ish- të dashurën e tij, Bora Zemanin, me të cilën ishte ndarë pak para se të futej në “Big Brother VIP”.
Kështu, trekëndëshi Bora-Donald-Beatrix vazhdon edhe tash të jetë shumë prezent me lajme nëpër mediat rozë. /Lajmi.net/
