Kënaq Kosova, fiton bindshëm ndaj Burkina Fasos

PUBLIKUAR

Alain Giresse e ka nisur me fitore bindëse aventurën e tij të re si trajner i Kosovës. “Dardanët” triumfuan 5:0 ndaj Burkina Fasos në ndeshjen miqësore të zhvilluar në stadiumin “Fadil Vokrri”.

Kosova e administroi ndeshjen nga fillimi e deri në fund, duke dominuar në çdo aspekt, shkruan Gazeta Express.

Ende pa u rehatuar si duhet, Kosova shënoi golin e parë të ndeshjes. Ishte Fidan Aliti që realizoi gol të bukur, pas asistit nga Edon Zhegrova.

Në minutën e 23-të, “Dardanët” e dyfishuan epërsinë përmes Astrit Selmanit, i cili u asistua nga Rashica.

Me rezultatin 2:0 u mbyll pjesa e parë, kurse e dyta ishte edhe më produktibve për vendasit.

Mërgim Vojvoda shënoi për 3:0 në minutën e 53-të pas asistit të Milot Rashicës, por duhet përmendur puna e madhe e Zhegrovës në ndërtimin e këtij aksioni.

Samir Ujkani e priti penalltinë e mysafirëve në minutën e 63-të, duke mos lejuar gol.

Ishte radha e Milot Rashicës, i cili pas dy asistimeve arriti të shënonte mjeshtërisht në minutën e 68-të të ndeshjes.

Nuk vonoi shumë dhe tetë minuta më pas, Toni Domgjoni realizoi për 5:0 duke e vulosur kështu një natë fantastike për “Dardanët”.

Kështu, Alain Giresse e nis me fitore dhe Kosova udhëton në Zvicër me disponim të lartë. /Gazeta Express/

SHIKO MË SHUMË

Shqipëria zbret sot në fushë, sfidë e rëndësishme ndaj Finlandës

Kombëtarja e Shqipërisë rikthehet sonte në aksion, në një tjetër sfidë të Ligës së...

Erdhi me shumë bujë, Maran e lë në tribuna edhe për ndeshjen ndaj San Marinos!

Shqipëria përballet sot me San Marinon, por trajneri Rolando Maran ka vendosur të lërë...

Vushtrria pret kampionin e Kosovës, këto janë formacionet

Vazhdon edhe sot java e 3-të në Superligën e Kosovës. Kampionët e Ligës së Parë,...