Lionel Messi dhe Luis Suarez rrënuan internetin duke treguar një tjetër moment magjie në ekzekutimin e një penaltie.

Argjentinasi u ndal në mënyrë të palejuar në zonë dhe arbitri akordoi penalti. Superylli i Barcelonës e mori përgjegjësinë dhe kur të gjithë prisnin goditjen e tij, ai bëri diçka të pazakontë.

28-vjeçari vetëm asistoi te Luis Suarez, i cili e kompletoi het-trikun në sfidën ndaj Celta Vigos.

Mirëpo, ka të tillë që thonë se penaltia duhej anuluar, pasi para se Messi ta godiste topin, uruguaiani ndodhej brenda zonës.

Edhe pse gjyqtari e pranoi golin, kjo teknikë vazhdon të tregohet shumë e vështirë për t’u realizuar. /Telegrafi/