Gazetari Baton Haxhiu thotë se ata që do të ‘guxojnë’ të kundërshtojnë Asociacionin e Komunave me shumicë Serbe dhe vendimin e Gjykatës Kushtetuese për pronën e Manastirit të Deçanit do të shkaktonin sanksionim të madh. Thotë se gjithçka varet se si do të përfundojë lufta në Ukrainë.

Deklaratat Haxhiu i bëri në emisionin DPT te Fidani në T7 kur u pyet se a ka politikanë kosovarë që mund të shpallen non-grata.

“Krejt varet se çfarë do të jetë vija e negocimit dhe sa do të kundërshtojnë politikanët kosovarë Asociacionin dhe vendimin e Gjykatës Kushtetuese për tokat e Kishës”, tha Haxhiu.

“Duhet me qenë shumë i guximshëm dhe argumentues dhe i fuqishëm që këto dy çështje mos të jenë pjesë e tavolinës dhe njëkohësisht dikush të ketë guximin të mos i pranojë. Mund të mos i pranojë ato, të dyja, por sanksionimi do të jetë i madh dhe sidomos tash do të jetë edhe më i madh nëse ngjarjet e Ukrainës marrin rrugë tjetër”, tha Haxhiu.

“Janë dy gjëra që duhet sqaruar, se Asociacioni dhe problemet që i ka Kosova në tavolinë varet krejt se si do të përfundojë lufta në Ukrainë”, theksoi ai.

Emisionin e plotë mund ta shihni KËTU.