Një burim i afërt me Romelu Lukakun ka përjashtuar mundësinë e një rikthimi shokues në Inter nga Chelsea gjatë verës.

Burimi i paidentifikuar, i cili thuhet se është i afërt me sulmuesin belg, i tha tabloidit britanik Daily Star se thashethemet ishin ‘tituj për të shitur gazeta’, duke konfirmuar se lojtari do të qëndronte në Londrën Perëndimore për të ardhmen e parashikueshme.

Një raport i fundit nga La Gazzetta dello Sport detajoi se si Lukaku dyshohet se ishte i dëshpëruar për një kthim në Milano, duke sugjeruar se ai mendonte se lëvizja te Chelsea kishte qenë një gabim dhe se ai ishte i gatshëm të përgjysmonte pagën e tij në mënyrë që të kthehej te Inter.

I kontraktuar me Blutë deri në vitin 2026, ish-lojtari i Manchester United dhe Everton mori një dush të ftoht në janar pasi doli një intervistë me Sky Sports Italia ku u komentua për dashurinë e tij për Nerazzurrët, duke mërzitur të dy grupet e mbështetësve.

Shumë tifozë të Interit nuk janë veçanërisht të impresionuar me Lukakun, duke u ndjerë sikur natyra e lëvizjes së tij te Chelsea, pavarësisht komenteve që pretendonin besnikërinë e bërë në vitet e mëparshme, prishi marrëdhënien.

Belgu vështirë se mund të rikthehet te Interi në këtë verë, mirëpo pritet të shikohet edhe nga e ardhmja e klubit londinez, pas sanksioneve që i ka. /Telegrafi/