Tuchel: Lukakut nuk i pëlqen situata në të cilën gjendet

PUBLIKUAR

Trajneri i Chelseat, Thomas Tuchel, ka thënë se Romelu Lukakut nuk i pëlqen situata në të cilën ndodhet, ndërkohë që belgu vazhdon të mos jetë në formacionin startues të Bluve.

Sulmuesi u transferua me shumë bujë nga Interi, mirëpo në Stamford Bridge po përballet me vështirësi dhe përdoret gjithnjë e më pak.

Në anën tjetër, forma e mirë e Kai Havertz ia ka shkurtuar akoma më shumë minutazhin Lukakut, i cili akoma nuk ka shënuar në Ligën Premier brenda vitit 2022.

(Foto: Instagram/romelulukaku)

“Nuk është lehtë për të në këtë moment, por ai është pjesë e skuadrës, një pjesëtar i rëndësishëm i ekipit”.

“Ka edhe lojtarë të tjerë, të cilët në periudha të caktuara nuk janë të lumtur, sepse problemi më i madh është se mund të startojnë vetëm 11 futbollistë. Shumë lojtarë mendojnë dhe kanë arsye për të qenë startues të rregullt për ne”.

(Foto: Instagram/romelulukaku)

“Nuk është vetëm Romelu. Është edhe Timo (Werner) dhe nganjëherë njëri prej mesfushorëve. Është cilësia që e bën dallimin”.

“Romelu lufton për të sikurse gjithë të tjerët. Kjo është ajo që na duhet Ai është pozitiv aq sa mundet. Atij nuk i pëlqen situata, askujt nuk i pëlqen. Po e përballon me shumë profesionalizëm. Përpiqem të bëj më të mirën, të jem respektues dhe mbështetës njësoj sikurse për gjithë të tjerët”, ka deklaruar Tuchel në një konferencë për shtyp. /Telegrafi/

SHIKO MË SHUMË

Shqipëria zbret sot në fushë, sfidë e rëndësishme ndaj Finlandës

Kombëtarja e Shqipërisë rikthehet sonte në aksion, në një tjetër sfidë të Ligës së...

Erdhi me shumë bujë, Maran e lë në tribuna edhe për ndeshjen ndaj San Marinos!

Shqipëria përballet sot me San Marinon, por trajneri Rolando Maran ka vendosur të lërë...

Vushtrria pret kampionin e Kosovës, këto janë formacionet

Vazhdon edhe sot java e 3-të në Superligën e Kosovës. Kampionët e Ligës së Parë,...