Elbasan Rashani e ka nisur në mënyrën më të mirë të mundshme aventurën e tij tek gjiganti norvegjez Rosenborg.

Sulmuesi i talentuar i Përfaqësueses së Kosovës ka treguar se sa vlen qysh në ndeshjen e parë me fanellën bardh e zi.

Rashani e ka nisur nga minuta e parë sfidën miqësore mes Rossenborg dhe skuadrës tjetër norvegjeze Kristiansund, që ka përfunduar 7:3 në të mirë të vendasve.

Dhe padyshim ylli i kësaj sfide ka qenë sulmuesi vushtrrias që ka shënuar tre gola në debutimin e tij.

Golin e parë Rashani e realizoi në minutën e 29-të, ndërsa të dytin në minutën e 62-të.

Për golin e tretë dhe het-trikun e parë me fanellën e Rosenborgit, Rashani shënoi 15 minuta para fundit të ndeshjes.

Kujtojmë që Elbasani është pjesë e rëndësishme e Përfaqësueses së Kosovës dhe shënoi golin e dytë ndaj Shqipërisë në ndeshjen vëllazërore që përfundoi baras 2:2. /Telegrafi/