Juventus thuhet se ka kontaktuar Mino Raiolën teksa rritin planet e tyre për të nënshkruar me Paul Pogban në një transferim falas këtë verë.

Kontrata e Pogbas me Manchester United skadon në fund të sezonit dhe pritet që ai të largohet nga Old Trafford, transmeton Gazeta Express.

Mesfushori francez më parë bëri 178 paraqitje për Juventusin gjatë një periudhe katërvjeçare në klub midis viteve 2012 dhe 2016.

Sipas gazetës italiane Gazzetta dello Sport, Juventusi ka hapur bisedimet me Raiolën pasi synon të sigurojë rikthimin e Pogbas.

Raporti shton se skuadra nga Torino është gati t’i ofrojë 28-vjeçarit një pagë prej 6.2 milionë funtesh në vit, e cila mund të rritet deri në 8.3 milionë funte në vit nëse merren parasysh shtesat.

Ndërsa Pogba i afrohet fundit të marrëveshjes me Manchester United, spekulimet rreth të ardhmes së tij vazhdojnë të intensifikohen.

Real Madrid dhe Paris Saint-Germain gjithashtu besohet se janë të interesuar për të nënshkruar me fituesin e Kupës së Botës.

Pogba ka shënuar një herë në 20 paraqitje për United në të gjitha kompeticionet këtë sezon, duke humbur dy muaj të sezonit për shkak të një lëndimi. /Gazeta Express/