Liverpooli dje arriti të fitonte trofeun e Carabao Cup, duke e mposhtur në finale Chelsean, vetëm pas ekzekutimit të penalltive.
22 penallti u deshën të gjuheshin, para se portieri i Chelseas, Kepa ta humbte një, shkruan Gazeta Express.
Ekzekututesi i pestë i Liverpoolit ishte Salah, i cili arriti ta shndërronte në gol dhe pas tij, për Chelsean ishte Jorginho.
Egjiptiani tentoi ta hutonte Jorginhon duke i thënë: “Mos kërce”.
Gjuajtja e penalltisë duke kërcyer është stil i italianit.
Megjithatë, ajo nuk e hutoi Jorginhon, i cili u tregua i saktë nga penalltia. /Gazeta Express/
