Robert Lewandowski u është bashkuar yjeve të futbollit që e dënojnë sulmin rus në Ukrainë.
Sulmuesi polak ka thënë se botës nuk i duhen luftërat, duke insistuar se në këtë moment duhet të mbretërojë paqja në mes të fqinjëve, shkruan “Gazeta Express”.
Ai e ka bërë një postim në rrjetet sociale, përmes së cilit kërkon që të ndalet lufta, e cila sjell viktima të pafajshme.
“Çdo gjë që është e bukur në sport është në kundërshtim me atë që e sjell lufta. Për të gjithë njerëzit që e vlerësojnë lirinë dhe paqen, kjo është një kohë solidariteti me viktimat e agresionit ushtarak kundër Ukrainës”, ka shkruar futbollisti i Bayern Munichut.
— Robert Lewandowski (@lewy_official) February 25, 2022
Ai më pas foli edhe për ndeshjen e play-offit të Botërorit me Rusinë.
Kjo ndeshje do të zhvendoset në një vend tjetër pasi UEFA ka vendosur që ekipet dhe Kombëtarja ruse të luajnë në terren neutral, kur do të luajnë si vendës.
Ish-futbollisti i Borussia Dortmundit thotë se do të flasë me drejtuesit e Federatës Polake të Futbollit për këtë çështje. /Gazeta Express/
