Kosova dhe Serbia kanë vazhduar me negociatat në Bruksel, me ndërmjetësimin e Emisarit të Bashkimit Evropian, Miroslav Lajçak.
Ky i fundit, përmes një shkrimi në llogarinë e tij në twitter, ka njoftuar se grupet punuese kanë negociuar sot për cështjen e targave.
Lajçak gjithashtu u bëri thirrje palëve në dialog që të angazhohen në mënyrë konstruktive rreth dialogut.
“Sot në Bruksel është mbajtur takimi i 5-të i grupeve punuese për targa me ekspertë nga Kosova dhe Serbia. Ekspertët kanë avancuar për të kuptuar më mirë të gjitha opsionet ekzistuese që u janë paraqitur. I inkurajoj (palët) që të vazhdojnë të angazhohen në mënyrë konstruktive”, ka shkruar Lajçak.
Today, the 5th meeting of the WG on licence plates took place in Brussels with experts from Kosovo & Serbia. Experts have advanced in getting a better understanding of all the existing options that were presented to them. I encourage them to continue engaging constructively.
— Miroslav Lajčák (@MiroslavLajcak) February 25, 2022
Lidhur me cështjen e targave kanë diskutuar edhe para dy ditëve, por pos saj, Lajçak ka njoftuar se palët në dialog kanë diskutuar edhe për temën e personave të zhdukur.
