Shefja e Grupit Parlamentar të Lëvizjes Vetëvendosje , Mimoza Kusari-Lila i ka reaguar kryetarit të Aleancës për Ardhmërinë e Kosovës, Ramush Haradianjt për kritikat që i bëri Qeverisë së Kosovës lidhur me zhvillimin e procesit të dialogut me Serbinë, shkruan Gazeta Express.
Ajo tha se ka pritur nga Haradinaj një reflektim për shkak të bagazhit të tij politik dhe luftarak e kjo shpërfaqje të egos politike, siç tha ajo.
“I nderuar z. Haradinaj si kërkues i kësaj seance dhe propozues i këtij mocioni, si ish-kryeministër dhe njeri me kontribut të madh gjatë luftës në Kosovë si në aspektin personal ashtu edhe familjarë, kisha pritur një reflektim më serioz , një qasje më unifikuese dhe një thirrje për unifikim në vend se të një shpërfaqje të egos politike”, ka thënë ajo.
Kusari-Lila tha se sot është dashur që në Kuvendin e Kosovës të dënohej heshtja e Rusisë karshi agresionit të Rusisë ndaj Ukrainës.
“Është dashur që sot do të duhej Kuvendi i Kosovës të mblidhej dhe në një zë unifikues të dënonte heshtjen e deritanishme të Serbisë ndaj agresionit rus në Ukrainë. Është po e njëjta shkollë dhe i njëjti model”, tha më tutje ajo.
Haradinaj e ka kritikuar Qeverinë Kurti se po e zhvillon dialogun me Serbinë vetëm në nivelin teknik. /Gazeta Express/
