Mbrëmë rreth orës 19:00, policia ka pranuar informatën për gjuajtje me armë në fshatin Palaj të Obiliqit
Reagimi i policisë ka rezultuar me identifikimin dhe arrestimin e personit të dyshuar: – M.A, mashkull, 40 vjeç, shtetas i Republikës së Kosovës.
“Nga ana e policisë është kryer një kontrollë në shtëpinë e të dyshuarit ku janë gjetë dhe sekuestruar: Një armë automatike zjarri AK-47, dy karikatorë të zbrazët dhe dy gëzhoja”, njofton policia, transmeton Express.
Personi i arrestuar ngarkohet me veprat penale: shkaktim i rrezikut të përgjithshëm dhe armëmbajtje pa leje.
