Finalistja e Big Brother VIP, Beniada Nishani, ka qenë e ftuar ditën e sotme (e hënë) në emisionin “Ftesë në 5”.

Ajo ka treguar se si po shkon jeta e saj pas përfundimit të këtij spektakli, që bëri bujë të madhe për më shumë se 136 ditë.

Biondja zbuloi se njerëzit tani e ndalojnë në rrugë dhe ia këndojnë “Parfumin”, me të cilin mori vëmendje të madhe gjatë qëndrimit në shtëpi.

Beniada (Foto: YouTube)

Nishani madje iu përgjigj edhe disa pyetjeve të tjera të moderatores që kishin të bënin pas daljes nga shtëpia.

E njëjta tha se një prej personave që e ka mbështetur dhe ka komunikuar më shumë jashtë është Big Mama.

Duke folur për situatat në shtëpi, Beni tha se gjëja që e ka prekur më shumë është situata mes Einxhelit dhe Donaldit.

Beniada (Foto: YouTube)

“Nuk e prisja shumë por mami ka qajtur shumë. Mendonte se populli shqiptar më shihte vetëm si vajzë provokuese dhe mund të keqinterpretohej një gjest i imi. Të betohem kam qenë gjithmonë vetvetja”, vazhdoi ajo.

Edicionin e parë të Big Brother VIP e fitoi balerini Ilir Shaqiri. /Telegrafi/