Oda e Mjekëve të Kosovës ka bërë të ditur se ka vdekur specialisti i oftalmologjisë, Hakif Sadiku, raporton Gazeta Express.

Sipas Odës së Mjekëve të Kosovës, Sadiku studimet per mjekësi të përgjithshme i kreu në Fakultetin e Mjekësisë, Universiteti i Prishtinës.

Ai specializoi në degën e Oftalmologjisë në Fakultetin e Mjekësisë të Zagrebit më 1984.

Sadiku ishte anëtar i Odës së Mjekëve që nga viti 2019 dhe punoi në QKMF, në Prishtinë, për shumë vite.