Milot Rashica reagon pas golit të parë në Ligën Premier

PUBLIKUAR

Sulmuesi i Kosovës dhe Norwich Cityt, Milot Rashica ka reaguar me anë të një postimi në rrjetet sociale për golin e shënuar sot (e shtunë) ndaj Liverpoolit, gol që ishte i parë për të në Ligën Premier.

Liverpooli fitoi me rikthim me rezultat 3-1 në Anfield ndaj Norwichit në kuadër të javës së 26-të.

Golat për Reds u shënuan nga Sadio Mane (64’), Salah (67’) dhe Luis Diaz (81’), ndërsa për mysafirët djaloshi nga Kosova, Rashica (48’).

Ky ishte goli i parë i djaloshit vushtrrias në kampionatin elitar anglez dhe tashmë ai ka disa fjalë pas ndeshjes.

Rashica ka reaguar për golin dhe rezultatin me anë të një postimi në rrjetin social Facebook.

“I zhgënjyer me rezultatin sot, por i lumtur që shënova golin tim të parë në Ligën Premier për Norwich Cityn”, ka shkruar Rashica në profilin privat.

Ndryshe, Rashica u transferua te klubi anglez gjatë verës nga Werder Bremen për një shifër prej 11 milionë eurosh. /Telegrafi/

SHIKO MË SHUMË

Shqipëria zbret sot në fushë, sfidë e rëndësishme ndaj Finlandës

Kombëtarja e Shqipërisë rikthehet sonte në aksion, në një tjetër sfidë të Ligës së...

Erdhi me shumë bujë, Maran e lë në tribuna edhe për ndeshjen ndaj San Marinos!

Shqipëria përballet sot me San Marinon, por trajneri Rolando Maran ka vendosur të lërë...

Vushtrria pret kampionin e Kosovës, këto janë formacionet

Vazhdon edhe sot java e 3-të në Superligën e Kosovës. Kampionët e Ligës së Parë,...