Kryeministri Albin Kurti e presidentja Vjosa Osmani në fjalimet e tyre në Kuvend në 14 vjetorin e pavarësisë, as sa për kujtesë historike, nuk kanë përmendur dy figurat Fatmir Sejdiun dhe Hashim Thaçin, që ishin në krye të institucioneve të Kosovës, kur u shpallë pavarësia në vitin 2008. Kur kanë dalur për të mbajtur fjalime në ceremoninë në shesh, ku  kanë parakaluar ushtarët e FSK’së dhe pjesëtarët e FSK’së, ata i kanë përshëndetur të gjithë, por kanë injoruar ish -Presidentin Sejdiu i cili ka qenë në mesin e mysafirëve, shkruan Gazeta Express.

Kjo gjë ka nxitur reagimin e nënkryetares së PDK-së, Vlora Çitaku.

Përmes një postimi në “Twitter”, Citaku ka thënë se historia nuk mund të rishkruhet, teksa ka publikuar një fotografi të vjetër të ish-presidentit Hashim Thaçi.

“Historia nuk mund të rishkruhet!  #Kosova14”, ka shkruar ajo në një postim në “Facebook”.

Historia nuk mund të rishkruhet! #Kosova14 pic.twitter.com/yCsuZHKVwS

— Vlora Çitaku (@vloracitaku) February 17, 2022