Rita Ora së fundi ka pozuar për revistën e famshme spanjolle “Elle”.
Këngëtarja shqiptare me famë botërore, do të jetë pjesë e revistës për muajin mars, shkruan lajmi.net.
Ajo ka folur në një intervistë të gjatë për karrierën e saj në muzikë dhe modë.
Intervista mban titullin “Rita Ora dhe moda e re”, e cila mund të lexohet gjatë muajit mars.
Këngëtarja këtë gjë e ka bërë të ditur përmes disa imazheve të cilat i ka publikuar në profilin e saj të Instagramit.
“Dritat, kamera, aksion. Faleminderit shumë ‘Elle Spain’ që më lejuat të jem pjesë e kësaj reviste të mrekullueshme”, ka shkruar këngëtarja me famë botërore.
Në kopertinë, Rita është shfaqur me shumë stil e vesur me një pallto të bardhë, gjersa në kopertinën e dytë dhe të tretë ka pozuar e veshur me një fustan të kuq me pupla.
Ndryshe Rita ndodhet në Australi, dhe është e angazhuar me edicionin e ri të “The Voice Australia” si anëtare e jurisë./Lajmi.net/
