Nënkryetari i Partisë Demokratike të Kosovës, Enver Hoxhaj ka deklaruar se opozita e ka problemin me kryeministrin Isa Mustafa dhe jo me koalicionin qeverisës si tërësi.

Në emisionin “Republika” të Tribuna Channel, Hoxhaj është shprehur se veprimet e tri partive opozitare lidhen me Isa Mustafën me të cilin edhe kanë qenë në një bllok gjashtëmujor, ndonëse nuk ka pranuar ta quajë këtë si një hakmarrje të opozitës për “tradhtinë” e Mustafës bërë VLAN-it.

“Partitë opozitare kanë problem me Isa Mustafën më shumë sesa me njerëzit tjerë në parti e qeveri, pasi që dimë se kanë qenë në një bllok gjashtëmujor” është shprehurHoxhaj.

Ndërsa ka thënë se kërkesa e tyre për zgjedhje është e papranushme, ngase nuk mund të tolerohet që të kërkohen zgjedhje në çdo situatë që krijohet në vend.