Manchester City thuhet të ketë kontaktuar me përfaqësuesit e Sergio Busquets rreth një transferimi të mundshëm gjatë verës.
Pep Guardiola do të marrë drejtimin e klubit anglez nga sezoni i ardhshëm dhe ai e dëshiron në skuadër futbollistin që e ka trajnuar te Barcelona.
Mesfushori spanjoll ka thënë në të kaluarën se janë vetëm dy persona që mund ta bindin që të largohet nga katalunasit: gruaja e tij dhe Guardiola.
Dhe tash gazeta Sport raporton se dy palët janë në kontakt, edhe pse nuk është bërë ndonjë ofertë formale.
Presidenti i Barcës, Josep Maria Bartomeu, i ka premtuar lojtarit një kontratë të rinovuar, mirëpo ajo akoma nuk ka ndodhur. /Telegrafi/
