Në kuadër të përgatitjeve të opozitës së bashkuar për të shkuar në zgjedhje, është diskutuar edhe mundësia që kësaj liste t’i prijë kryetari i Prishtinës, Shpend Ahmeti.

Telegrafi mëson së liderët e partive opozitare kanë diskutuar që kandidat për kryeministër, në zgjedhjet e ardhshme (të parakohshme) – të cilat priten të mbahen brenda këtij viti, të jetë nënkryetari i LVV-së.

Kjo për arsye të ndikimit dhe pranueshmërisë më të madhe që e ka Ahmeti si te opozita ashtu te pushteti, por njëkohësisht edhe të pjesa e ndërkombëtarëve.

Zëdhënësi i Lëvizjes Vetëvendosje (LVV), Frashër Kransiqi, ka thënë për Telegrafin se nuk ka pas diskutim për një propozim të tillë brenda opozitës.

Sipas tij, “deri tash opozita nuk është marrë me çështjen e listës së përbashkët dhe nominimeve, dhe kjo temë nuk është hapur asnjëherë”.

Ndryshe, partitë e opozitës së bashkuar kanë theksuar se janë të gatshme që të hyjnë më një listë zgjedhorë në zgjedhjet e ardhshme të cilat pritet të mbahen shumë shpejt. /Telegrafi/