Ambasadori i Britanisë së Madhe në Kosovë, Ruairí O’Connell, duke folur për largimin nga Kuvendi të deputetit të Partisë Demokratike të Kosovës, Rrustem Mustafa – Remi, ka theksuar se i vjen mirë që ka ndodhur kjo gjë.
Ai në një postim në Facebook ka shkruar se i vjen mirë që më në fund, Kuvendi e largoi një nga deputetët e dënuar për krime lufte.
“As Kuvendi, as zyra publike, e as liria nuk janë vendi i duhur për njerëzit e dënuar për krime të rënda. Vendi i duhur është burgu”, ka shkruar O’Conell. /Telegrafi/
