Policia e Kosovës në raportin 24-orësh ka njoftuar se dje në Podujevë në orën 10:00 janë arrestuar dy të dyshuara femra K/Shqiptare pasi të njëjtat kishin mashtruar viktimën mashkull K/Shqiptar duke i marrë 25 krerë gjedhe me vlerë rreth 35.000 euro.
“Pas hetimeve të zhvilluara janë identifikuar dhe arrestuar dy të dyshuara femra K-Shqiptare, pasi që të njëjtat duke u prezantuar si zyrtare të OJQ-së nga një shtet tjetër i kanë marrë 25 krerë gjedhe me vlerë rreth 35.000 euro nga viktima mashkull K-Shqiptar. Me urdhër të prokurorit të dyshuarat dërgohen në mbajtje.”, thuhet në raportin e Policisë së Kosovës.
