Lideri i Partisë Demokratike të Kosovës, Hashim Thaçi, pritet të zgjidhet president në raundin e tretë të votimit. Kështu ka bërë të ditur një burim brenda koalicionit qeveritar.

Sipas këtij burimi, ka një ujdi që në dy raundet e para shumica e deputetëve të LDK-së do të votojnë kundër Thaçit president, ndërsa në raundin e tretë ata do të ndryshojnë votën e tyre për t’i mundësuar kreut të PDK-së drejtimin e presidencës në pesë vitet në vazhdim.

Gjithnjë sipas këtij burimi, Thaçi nuk do ta ketë problem kourimin e nevojshëm për të nisur procedurat për të votuar, pasi mësohet se janë vetëm dy ose tre deputet të LDK-së të cilët nuk do të qëndrojnë në sallë kur do të hedhet në votim çështja e presidentit. /Gazeta Tribuna/