Komisioni për Legjislacion, Mandate, Imunitete, Rregulloren e Kuvendit dhe Mbikëqyrjen e Agjencisë Kundër Korrupsionit miratoi në parim Projektligjin për kundërvajtje, si dhe raportin me amendamente në Projektligjin për administrimin e pasurisë së sekuestruar dhe të konfiskuar.
Komisioni u njoftua me shkresën e Komisionit Qeveritar për personat e zhdukur lidhur me propozimin e tyre në Projektligjin për Mjekësin Ligjore.
Komisioni pas diskutimeve lidhur me këtë çështje u pajtua që propozimi i tyre që ka të bëjë me nenin 15 paragrafi 1.6 i Projektligjit të propozohet për ndryshim gjatë shqyrtimit të dytë të Projektligjit në Kuvend. /Telegrafi/
