Disa foto të reja u zbuluan gjatë fundjavës së Tesla Cybertruck, duke na dhënë një vështrim më të afërt të ndryshimeve të dizajnit që kemi parë së fundmi nga larg.

Sipas medieve të huaja, përcjell Telegrafi, fotot janë postuar në forumin e Klubit të Pronarëve të Cybertruck dhe kanë frymëzuar mjaft reagime deri më tani.

Siç mund të shihet, është ruajtur e njëjta pamje “jokonvencionale” e prototipit origjinal, me panele të mëdha të sheshta të trupit, kënde të mprehta dhe një xhami masiv.

Por ka pasur disa ndryshime të dukshme midis zbulimit origjinal dhe tani.

Rrotat janë ndoshta ndryshimi më i dukshëm që nuk e kemi parë më parë. /Telegrafi/