Kryetari i Nismës për Kosovën, Fatmir Limaj, përsëriti se përgjegjësit duhet të japin llogari për shkeljen e Kushtetutës së Kosovës.

“Legjitimitetin e humbur koalicioni aktual qeverisës nuk mund të rikthejë përmes tavolinës/ave (sikur ajo e sotmja), por vetëm me zgjedhje të lira e demokratike. Sa më shpejt që ky koalicion aktual ta kuptojë këtë, aq më shpejt vendi do të dalë nga kriza aktuale. Për gjashtë muaj patëm shumë zhvillime, burgosje të deputetëve dhe protestuesve, bastisje të zyrave të partive, shtypje të opozitës (e paparë në botën demokratike) dhe në fund vendimi i Gjykatës Kushtetuese. Të gjitha këto nuk mund të tejkalohen e as të hedhen, e të fillojmë të bëhemi sikur s’ka ndodh asgjë. Përgjegjësit duhet të japin llogari për shkeljen e Kushtetutës”, ka shkruar ai në Facebook. /Telegrafi/.