Kryeministri Albin Kurti e ka lëshuar seancën e Kuvendit ku po diskutohet rreth krizës energjetike dhe propzimit për shtrenjtim të rrymës, sapo deputetja e PDK-së, Ganimete Musliu e mori fjalën.
Musliu tha se Kurti është shndërruar në një “kryeministër të super arsyetimeve”, ndërsa e quajti kryeministrin “frikacak” dhe i bërtiti të rrinte aty kur ai u çua të dalë jashtë, raporton Gazeta Express.
Albin Kurti i super premtimeve, sot është shndërru në një kryeministër të super arsyetimeve. Si rezultat, ky kombinim… Rri more, rri, mos u frikëso. Rri o kryeministër. Mos ik prej përgjegjësisë. Hajde ulu këtu, hajde… Frikacak”, tha ajo.
Duke e vazhduar fjalën, kryeparlamentari Glauk Konjufca e ndërpreu për një moment.
“Mos ma kërcëno kryeministrin, Gane”, tha Konjufca.
“Si rezultat ky kombinim na qet në pah vetëm një të vërtetë, e kjo e vërtetë është Albin Kurti i super fajësimeve”, vazhdoi Musliu.
