Komisioni Qendror i Zgjedhjeve ka njoftuar se në mbledhjen e radhës të kryesuar nga kryetarja, znj. Valdete Daka, në pikën e parë të rendit të ditës, Komisioni Qendror i Zgjedhjeve mori vendim për pezullimin e katërmbëdhjetë (14) partive politike.

Sipas KQZ-së, këto parti politike nuk kanë dorëzuar në Zyrën për Regjistrim dhe Certifikim të Partive Politike – Formularin për të dhënat e ndryshuara vjetore në përputhshmëri me nenin 11 të Rregullës mbi Regjistrimin dhe Veprimin e Partive Politike.

“Afati i fundit për dorëzimin e ndryshimeve vjetore ka qenë 31 janari i vitit 2016”, thuhet në njoftim.

Sipas KQZ-së, lista e partive politike të pezulluara është si në vijim:

KQZ bën të ditur se në bazë të Rregullës mbi Regjistrimin dhe Veprimin e Partive Politike, partitë politike të pezulluara (sipas listës së mësipërme) kanë të drejtë që brenda 24 orëve të ushtrojnë ankesë kundër Vendimit të KQZ-së në Panelin Zgjedhor për Ankesa dhe Parashtresa. Po ashtu, këto parti politike kanë afat të shtuar prej 20 ditësh për të dorëzuar të dhënat e ndryshuara vjetore. /Telegrafi/