Mbrëmë Shërbimi i Kërkim-Shpëtimit Malor të Kosovës kanë shpëtuar një grup të skitarëve në Brezovicë. Në ndihmë të tyre kanë dalë edhe dy bjeshkatarë lokalë serbë të Shtërpcës, raporton Gazeta Express.

Ky shërbim ka njoftuar se pas dërgimit të koordinatave nga të humburit është identifikuar lokacioni grupi i skitarëve është evakuuar.

“Me datën 12.01.2022 në orën 17:35 pranuam një thirrje për ndihmë nga një grup i ski-bjeshkatarëve vendas, të cilët kishin humbur në mjegull dhe stuhi në afërsi të qendrës skitare “Brezovicë”. Anëtarët:Bardhosh Morina, Donat Hoti dhe dy bjeshkatarë lokal nga Komuna e Shtërpcës Nikola Grbic, Sinisa Cumpalovic pajisjen dhe nisen në drejtim të kordinatave të dërguara. Në orën 20:40 pas një ngjitjeje dhe orientimi në kushte extreme arrihet me shumë vështirësi gjetja dhe shpëtimi i të humburve. Duhet të ceket që operacioni ka pasur shumë vështirësi pasi që edhe komunikimi me telefon me të humburit është ndërprerë shkaku i ndaljes së telefonëve nga i ftohti i madh. Në orën 22:00 përfundon evakuimi i të humburve në qendrën skitare”, thuhet në njoftim.