Lidhja Demokratike e Kosovës dhe Partia Demokratike e Kosovës në Pejë kanë arritur koalicion për bashkëqeverisje në katër vitet e ardhshme, shkruan Gazeta Express.
Kjo është bërë e ditur përmes një njoftimi për media nga komuna e Pejës.
Sipas njoftimit, LDK-së do t’i takojnë 10 drejtori, ndërkaq PDK-së 4 drejtori.
“Në takim është nënshkruar marrëveshja për të qeverisur në Pejë edhe në katër vitet e ardhshme, ku nga kjo marrëveshje LDK do të udhëheqë me dhjetë drejtori, ndërsa PDK do të udhëheqë me katër drejtori. Palët janë zotuar dhe i kanë siguruar qytetarët, që fokusi i bashkëqeverisjes së tyre do të jetë interesi i qytetarëve të Pejës, ashtu siç ka qenë edhe në dy mandatet e kaluara”, thuhet në njoftim
Njoftimi i plotë:
Kryetari Muhaxheri priti në takim Kryetarin e PDK-së në Pejë, z.Haliti
Kryetari i Komunës së Pejës, z.Gazmend Muhaxheri priti në takim Kryetarin e degës së PDK-së në Pejë, z.Xhavit Haliti.
Në takim është nënshkruar marrëveshja për të qeverisur në Pejë edhe në katër vitet e ardhshme, ku nga kjo marrëveshje LDK do të udhëheqë me dhjetë drejtori, ndërsa PDK do të udhëheqë me katër drejtori.
Palët janë zotuar dhe i kanë siguruar qytetarët, që fokusi i bashkëqeverisjes së tyre do të jetë interesi i qytetarëve të Pejës, ashtu siç ka qenë edhe në dy mandatet e kaluara.
