Sveçla flet nga Bavaria: Jemi në fazën finale të njohjes së patentë-shoferëve të Kosovës nga Gjermania

PUBLIKUAR

Ministri i Punëve të Brendshme të Kosovës Xhelal Sveçla po qëndron për një vizitë në Gjermani ku është takuar me homologun e tij nga Bavaria Joachim Herrmann.

Në këtë takim, ministri Sveçla ka shprehur mirënjohjen ndaj shtetit gjerman për shtet-ndërtimin dhe ngritjen e kapaciteteve të Kosovës.

“Biseduam për prioritetet tona në luftën ndaj krimit të organizuar, korrupsionit, forcimin e shtetit ligjor dhe zhvillimin socio-ekonomik veçanërisht tani gjatë përballjes me pandeminë COVID-19. Liberalizimi i vizave për qytetarët tanë, anëtarësimi në BE dhe Interpol janë synimet tona për të cilat e njoftova që jemi duke u angazhuar intensivisht për t’i realizuar dhe që natyrisht kemi nevojë edhe për angazhimin dhe ndihmën e tyre”, shkruan Sveçla në Facebook.

Në takim është biseduar edhe për thellimin e bashkëpunimit mes Policisë së Bavarisë dhe Policisë së Kosovës, bashkëpunimin në shkëmbim të informatave dhe zgjerim të bashkëpunimit bilateral të ministrive.

Duke pasur parasysh që një numër jashtëzakonisht i madh i qytetarëve tanë jetojnë në zonën e Bavarisë dhe në gjithë Republikën e Gjermanisë, ministri Sveçla tha se kanë biseduar edhe për politika konkrete që lehtësojnë jetën dhe angazhimet e tyre atje.

“Ne tanimë jemi në fazën finale të njohjes së patentë-shoferëve të Republikës së Kosovës nga Gjermania dhe këta janë hapat tanë konkret në këtë drejtim”, ka thënë Sveçla.

 

 

SHIKO MË SHUMË

Presidentja reagon pas aktgjykimit të Speciales, ngrit shqetësime për respektimin e të drejtave të palëve

Presidentja Justina Shiroka-Pula ka regauar pas shpalljesa së aktgjykimit e sotëm në Dhomat e...

Verdikti i Hagës, Pacolli thirrje Kurtit: Lëni anash dallimet, bashkohuni në mbrojtje të së vërtetës

Ish-presidenti i Kosovës, Behgjet Pacolli ka shkruar rreth verdiktit të sotëm të Gjykatës Speciale...

Policia e Kosovës rikujton: Nga 15 nëntori deri më 15 mars, pajisjet dimërore janë të obligueshme

Policia e Kosovës u ka rikujtuar shoferëve se nga 15 nëntori deri më 15...