Komuna e Prishtinës ka marrë vendim për zgjatjen e orarit të vaksinimit në QMF 7, në Kalabri.

Zgjatja vjen pas rritjes së kërkesës nga qytetarët e Komunës së Prishtinës për vaksinim në mbrojtje nga Covid-19, raporton Indeksonline.

Drejtoria e Shëndetësisë në koordinim me komitetin për vaksinim dhe sekretarin permanent të Ministrisë së Shëndetësisë, Naim Bardiqi morën vendim që të zgjatet orari i punës në QMF 7 në Kalabri nga orari i rregullt prej 8 orësh (07:00-15:00) në orar të zgjatur prej 12 orësh (07:00-19:00) nga dita e Hënë deri të Premten, ndërsa në fundjavë (e Shtunë dhe e Diel) orari do të jetë prej orës 07:00 – 15:00.

Vendimi hyn në fuqi ditën e mërkurë, me datë 12.01.2022./Indeksonline/