Fermerëve në Angli do t’u jepen parata për të ripunuar tokën e tyre, sipas planeve për projekte në shkallë të gjerë të rimëkëmbjes së natyrës.

Këto do të çojnë në menaxhimin e rishtas të sipërfaqeve të gjera të tokës për të ruajtur speciet, për të siguruar habitate për kafshët e egra dhe për të rivendosur shëndetin e lumenjve dhe përrenjve.

Financimi i saktë nuk është bërë i ditur, pasi ofertat do të krahasohen për të përcaktuar vlerën për paranë.

Shuma totale e disponueshme për skema të tilla pritet të arrijë nga 840 milionë deri në 1 miliard euro në vit. Deri në vitin 2042, qeveria synon të ketë deri në 300,000 hektarë të Anglisë të mbuluar nga projekte të tilla të rimëkëmbjes së peizazhit.

Ministrat planifikojnë gjithashtu t’u ofrojnë fermerëve anglezë pagesa për rimëkëmbjen e natyrës lokale, raporton Guardian, transmeton Klankosova.tv.

Veprimet në shkallë më të vogël të ndërmarra në fermat e tyre mund të përfshijnë mbjelljen e më shumë pemëve, restaurimin e tokave torfe ose ligatinave dhe lënien e hapësirës për habitatet e kafshëve të egra.