Një qytetar nga Gjilani ka raportuar në polici se persona të panjohur kanë shtënë me armë zjarri në drejtim të pushimores së tij, raporton Express
Rasti ka ndodhur në fshatin Zhegoc i Epërm të Gjilanit, ka bërë të ditur policia në raportin 24 orësh.
Policia në vendin e ngjarjes ka gjetur dhe sekuestruar dhjetë gëzhoja të fishekëve dhe dy predha brenda në pushimore.
“Fsh. Zhegoc i Epërm, Gjilan 02.01.2022 – NN. Ankuesi mashkull kosovar ka raportuar se nga persona të panjohur është shtënë me armë në drejtim të objektit – pushimores së tij. Njësitë policore kanë dalë në vendin e ngjarjes, ku kanë gjetur dhe sekuestruar dhjetë gëzhoja të fishekëve dhe dy predha brenda në pushimore. Rasti është duke u hetuar”, ka bërë të ditur policia./


