Kryeministri Isa Mustafa është rikthyer në rrjetin social Facebook. Këtë ka thënë se e ka bërë pas kërkesave të shumta.

“Të dashur miq. Pas një pauze të shkurtër dhe kërkesave të shumta, iu riktheva komunikimit me ju përmes rrjetit social facebook. Tani më jemi në fazën finale të përgatitjeve për shënimin e 8 vjetorit të Pavarësisë. Në prag të shënimit të kësaj date, jemi duke vazhduar intenzivisht me agjendën ekonomike dhe me hapa të fortë drejt përgatitjes së bizneseve prodhuese për konkurrencën në tregjet Evropiane”, ka shkruar Isa Mustafa në Facebook.

Këtë rikthim ai e ka shoqëruar me disa fotografi nga ceremonia e inaugurimit të Klubit të Prodhuesve të Kosovës.