Raportuesja për Kosovën në Parlamentin Europian, Ulrike Lunacek, ka thënë se Kosova ka bërë progres në fusha të ndryshme, por kjo nuk mjafton.

Lunacek gjatë fjalimit të saj para deputetëve të Parlamentit Europian, është shprehur se Kosova është një vend që është orientuar kah Bashkimi Europian dhe se duhet të ndalë dhunën në institucionet e vendit.

“Kosova është shteti më i ri në Europë dhe po punon shumë për ta konsoliduar demokracinë. Të rinjtë kosovarë e kanë dëshmuar se duan të jenë pjesë e familjes evropiane dhe të integrohen në Bashkimin Europian. Ka shumë progrese viteve të fundit, ka progres në dialogun me Beogradin, mirëpo jo në nivel të kënaqshëm. Ajo që ka bërë Kosova deri më tash nuk mjafton”.

“Javën e kaluar patëm bërë thirrje që të ndalet dhuna në Kuvendin e Kosovës dhe të mos protestohet dhunshëm. I kemi bërë thirrje edhe Presidentes Jahjaga që t’i ftojë palët në dialog për t’i dhënë zgjidhje krizës”, ka thënë Lunacek, njofton Klan Kosova.