Deputeti i Aleancës për Ardhmërinë e Kosovës, Lahi Brahimaj ka kërkuar dorëheqjen e pakusht të kryeministrit, Isa Mustafa, pasi sipas tij, ai e ka shkelur Kushtetutën në 23 pika me anë të Marrëveshjes për Asociacionin e Komunave me shumicë Serbe.
Ai ka thënë se nuk ka shkelje të lehta e të rënda të Kushtetutës por ka thjeshtë shkelje dhe këtë e ka bërë Mustafa. Mbi këtë bazë, në emisionin Politikë në Tribuna Channel, Brahimaj e ka përjashtuar mundësin që të dialogohet me kryeministrin aktual.
“Si me dialogu me një njeri që e ka shkelur Kushtetutën? Me një njeri që nuk i prenë sakica një vend. Me një njeri që gënjen vazhdimisht…”, ka thënë Brahimaj.
