Deputetët e Listës Serbe, anëtarë të Komisionit për të Drejtat dhe Interesat e Komuniteteve dhe Kthim nuk i kanë votuar pesë projektligje që ishin në shqyrtim.

Projektligjet që nuk u votuan ishin: Projektligji për ndryshimin dhe plotësimin e Ligjit për Deminim Humanitar; Projektligji për topografitë e gjysmëpërçuesve; Projektligji për dizajnin industrial si dhe Projektligji për patentat, me raport amendamente të Komisionit Funksional për Ekonomi, Industri, Ndërmarrësi dhe Tregti.

Kryetarja e Komisionit, Verica Ceraniq, teksa ka lexuar projektligjet një nga një dhe ka ftuar për votim, nuk ka dhënë detaje të tjera.

Përderisa deputeti i VV-së, Hydajet Hyseni ka kërkuar të di se pse nuk janë votuar këto projektligje nga kjo parti.