Gjermania regjistroi numrin e saj më të lartë të vdekjeve ditore nga coronavirusi që nga muaji shkurt teksa lufton për të vënë nën kontroll një valë të katërt të pandemisë.

Gjithsej 69,601 infeksione të reja u raportuan gjersa 527 njerëz të tjerë vdiqën në 24 orët e fundit, sipas Institutit Robert Koch (RKI), qendra kombëtare e sëmundjeve dhe kontrollit.

Kjo shënoi numrin më të lartë ditor të vdekjeve që nga 18 shkurti, kur pati 534 vdekje brenda një dite, raporton cnn.

Shkalla e indencës shtatëditore në Gjermani ra paksa, por mbetet e lartë në 427 për 100 mijë banorë.

Vendi ka regjistruar 104,047 vdekje shkaku i virusit që prej shpërthimit të pandemisë.

Ndryshe, Gjermania gjatë ditës së sotme është bërë me kancelar të ri, Olaf Scholtz, i cili prioritetet e ka luftimin e pandemisë.